Хатын-Арынская средняя общеобразовательная школа им.И.Е.В...

Арассыыйаҕа Албан аат, Саха сиригэр Дойдуга бэриниилээх буолуу сылыгар аналлаах XV өрөспүүбүлүкэтээҕи  “Көтүөххэ үрдүккэ хотойдуу” уоланнар ааҕыылара муус устар 30 күнүттэн ыам ыйын 6 күнугэр дылы саҥалыы онлайн форматынан  ыытылынна. Нэһилиэктэригэр быйылгы фестивальга кыттыбыт матырыйааларынан, дьиэҕэ телефон нөҥүө уһуллан монтажтаммыт үлэлэринэн  Өймөкөөн, Кэбээйи, Бүлүү, Таатта, Хаҥалас, Чурапчы, Уус-Алдан, Нам, Мэҥэ Хаҥалас улуустарыттан, Дьокуускай куорат оскуолаларыттан 29 белех кытыннылар. 
Быйылгы улуу Кыайыы 75 сылыгар аналлаах уоланнар ааҕыыларын 11 киһи састааптаах РФ суруйааччыларын Сойууһун чилиэннэрэ, П.А. Ойуунускай аатынан театр артистара, СР Ыччат политикатын Министерствота, Саха Республикатын “Аҕалар  лигалара” общественнай тэрилтэ, “Россия ийэлэрэ” бүтүн Россиятааҕы хамсааһын  регионнааҕы сэбиэтэ,  Өрөспүүбүлүкэтээҕи бэтэрээннэр  Сэбиэтэ, ХИФУ специалистара уонна спонсордар  үлэлээтилэо. Бу ааҕыылары СР үөрэххэ уонна билимҥэ Министерствотын  эбии үөрэхтээһин уонна республикатааҕы оҕо хамсааһынын сайыннарар киин директора Ньургуйаана Владимировна Макарова сүрүннээтэ. Барыта республика оскуолаларыттан 29 бөлөх кыттыыны ылла. 
Гран-при кыайыылааҕынан И. Е. Винокуров аатынан Хатыҥ - Арыы орто оскуолатын"" "Чаҕылыс" уолаттар бөлөхтөрө буоллулар. Уолаттар С. С. Васильев-Борогонскай "Улуу Илмень" поэматынан дьүһүйүүну толордулар.