Хатын-Арынская средняя общеобразовательная школа им.И.Е.В...

Нам улууһугар  ыччат нэдиэлэтин көрсө ахсынньы ыйын 24 кунугэр, 2012 с. И.Е.Винокуров аатынан  Хатын –Арыы орто оскуолатын  үрдүкү кылаас о5олорун уонна ГБОУ «ПЛ №2» активистарын мунньан бу сайын буолан ааспыт Дальнай Востоктаа5ы «Сахаселигер -2012» кыттыылаахтара уонна кыайыылаахтара кэлэн ыалдьыттаатылар. О5олорго бэйэлэрин бырайыактарын ирэ-хоро кэпсээтилэр. Ол курдук, Павлов Анатолий, Евстафьев Алексей – «Уличные автономные освещения»; Федорова Марианна – «Молодежное движение Санта Сактура»; Павлов Терентий – «Электронная книга IBOOKS»; Федорова Евгения, Дьячковская Елена – «Сельскохозяйственный туризм» диэн бырайыактары кэпсээтилэр.

Кылгастык билиһиннэрдэххэ, «Сахаселигер – 2012» Дальневосточнай образовательнай форум биһиги куораппытыгар «Үс Хатын»  ыһыахтыыр сиргэ буолбута. Алта хайысханан улэлээн  дьарыктаммыппыт:

1.Молодежное предпринимательство

2.Политика

3.Инновация и изобретательство

4.Информационный поток

5.Добровольчество и волонтерство

6.Наша армия

Форумҥа Россияҕа  биллэр-көстөр учуонайдара  кэлэн лекция аахпыттара. Манна Чита, Хабаровскай, Россия араас муннуктарыттан о5олор кэлэн кыттыыны ылбыттара. Онон саҥаны билэн, араас идеялары истэн кэлбиттэриттэн, бириэмэни туьалаахтык атаарбыттарын уллэһиннилэр.           

Көхтөөх ыччаттар санааларын сиһилии эттилэр. Киһи бэйэтэ күүскэ дьаныһан, сыаллаах-соруктаах буолуохтаа5ын уонна ылсыбытын тиһэҕэр тириэрдиэх тустааҕын, олоххо киһи айымньылаахтык уонна бэйэтин кэнниттэн суол-иис хаалларар гына олоруохтааҕын бэлиэтээн  субэлээтилэр. Оскуола үөрэнээччилэрэ олус интэриэһиргээн иһиттилэр. Хардары ыйытыы биэрэн сэргэх кэпсэтии таҕыста.

            Иннникигэ былааннартан бу сайын улуус иһинэн «Сахаселигер -2013» Кэҥкэмэ  «Эхо» лаа5ырыгар биир нэдиэлэ- лээх үөрэхтээх-сынньалаҥнаах бырайыак көмускээһинэ буоларыгар оҕолору ыҥырдылар.

            Е.С. Евстафьева , «Хатын-Арыы» МТ ыччаты кытта улэ специалииьа

            В.И.Максимова , И.Е.Винокуров аатынан Хатын-Арыы орто оскуолатын дириэктэри иитэр улэҕэ солбуйааччы.