Хатын-Арынская средняя общеобразовательная школа им.И.Е.В...

Куһаҕан Ыал нэһилиэгэ быйыл төрүттэммитэ 200 сылынан сибээстээн биир дойдулаахпыт  И.Е. Винокуров  үрдүк  аатынан "Ылдьаа ыччаттара" общественнай  хамсааһын тэрилиннэ. Бу хамсааһын сыалынан ыччаты патриотическай тыыҥҥа иитии, нэһилиэк ыччатын биир сомоҕо күүс быһыытынан иитэн таһаарыы буолар. Оҕо саадын  иитиллээчилэриттэн саҕалаан ыччакка тиийэ  биир кэлим программа суруллан, саҥа оҕо түмсүүлэрэ тэрилиннилэр. 

Ахсынньы 14 күнүгтэн саҕалаан "Хатыҥ-Арыы" нэһилиэк иһинэн иитэр үлэҕэ сүҥкэн суолталаах тэрээһиннэр  ыытылыннылар. Ол курдук, нэһилиэк  үүнэр кэскиллэрэ мустан сүһүөхтэринэн арахсан оҕо түмсүүлэригэр киирдилэр. "Сарыал" оҕо тэрилтэтигэр барыта 39 кырачаан оҕо саадын иитиллээччилэрэ үөрэн-көтөн сүрэхтэннилэр. Оскуола алын сүһүөх 35 үөрэнээччитэ   "Саһарҕа" оҕо тэрилтэтин чилиэнэ буолла. Чилиэн буолбутун туоһулуур анал бэлиэ туттардылар. "Сайдам" оҕо тэрилтэтигэр 30 орто сүһүөх үөрэнээччилэрэ киирдилэр.

Аппаны, Граф Биэрэгэ, Кыьыл Дэриэбинэ  14 –тэн  25-гэр  диэри  саастаах ыччата  мустан  ахсынньы 15 күнүгэр "Ылдьаа ыччаттара" хамсааһыҥҥа киирдилэр. Долгуйан туран  хамсааһын чилиэнэ буолбутун туоһулуур түөскэ анньыллар бэлиэ кэттилэр. Мустубут 80 ыччат кэс тыл эппиттэрэ элбэх киһини долгутта. Хамсааһын чилиэннэрэ салгыы 4 секциянан хайдан үөрэ-көтө улэлээтилэр. Билиҥҥи ыччат политикатын ырыттылар, төрөөбүт нэһилиэктэрин туһунан выкторинаҕа эппиэттээтилэр, инники былааны торумнаатылар. Ол кэнниттэн сахалыы тыыннаах ырыаһыт Джида ыалдьыттаан сынньалаҥы киэргэттэ.  Ыччаттарга сүбэ-ама биэрдэ, патриот диэн тыл суолтатын ырыа нөҥүө тириэттэ.     

Бу тэрээһин  үүнэр-сайдар кэммитигэр төһүү күүс буолуо диэн эрэнэбит. Үөрэнээччи – устудьуон - ыччат нэһилиэкпит, улууспут сайдыытыгар бэйэбит кылааппытын киллэриэххэйиҥ.  

Алексеева Вика, Хатыҥ-Арыы орто оскуолатын10 кыл. үөрэнээччитэ.

Адамова Аня, СВФУ БГФ 1 курсун студена.