Хатын-Арынская средняя общеобразовательная школа им.И.Е.В...

Идэни талыы хайысхатынан оскуолабытын кыһыл аттестатынан бүтэрбит выпускниктарбытын, үрдүк үөрэҕи баһылаан, талан ылбыт идэлэринэн быйыл үлэлээн саҕалаан эрэр убайдыы – балыс Дмитрий, Ульяна Машниковтары кытта 8 – 11 кылаас оҕолорун кытта көрсүһүүну учууталларбыт Васильева Анна Ефимовна, Аммосова Антонида Иннокентьевна тэрийэн ыыттылар.

     Дмитрий – Новосибирскайдааҕы государственнай техническай университет радиотехника уонна электроника факультетын нанотехнология, микросистемнай техника профилин бакалавырын кэнниттэн информационнай технология уонна вычислительнай  техника идэтигэр магистратураны ситиһиилээхтик бүтэрэн, салгыы аспиранныыр, Новосибирскайдааҕы сетевой компания специалиһынан үлэлии сылдьар.

    Уля – Новосибирскайдааҕы аграрнай университеты быйыл бүтэрэн, научнай лабораторияҕа үлэтин саҕалаата.

    Дмитрий, Ульяна оҕолорго туһаайан идэни талыныах иннинэ ханнык идэлэр баалларын, ханнык үөрэххэ туттарсыахтаахтаахтарын эрдэттэн быһаарыналларыгар, талан ылар предметтэригэр консультацияны таһынан үөрэх сайтыгар киирэн эбии хайаан да туран дьарыктаналларыгар, күн аайы бэлэмнэниигэ аты²²а арылдьыйбакка дьаныһан туран бириэмэни сөпкө аттаралларыгар сүбэлээтилэр. Үөрэҕи туттарыыга үрдүк баал улахан суолтатын өйдөттүлэр.

    Оҕолор кинилэр идэлэригэр туттарсарга ханнык предметтэри туттаран киирбиттэрин, төһө бааллаах этилэрин, уопсайга олорууга туох ирдэбилэ баарын, үөрэх таһынан ханнык дьарыктарга сылдьыбыттарын, дойдуларыттан ыраах үөрэнии туох уустуктардаах буоларын ыйытыластылар.

     Түмүккэ, выпускниктарбыт оҕолор үөрэхтэригэр кыһамньылаах, бэрээдэктээх, олоххо активнай позициялаах,  сөбүлүүр үөрэхтэригэр туттарсан, аныгы үйэ са²а идэлэрин баһылыылларыгар баҕа санааларын эттилэр.

     Дмитрийдээх Ульянаҕа бу көрсүһуугэ кэлэн кыттыны ылбыттарынан махтанан тураммыт оскуола аатыттан юбилейнай кинигэбитин  бэлэх туттардыбыт, туйгун доруобуйаны, айымньылаах үлэлэригэр ситиһиилэри баҕара хааллыбыт.

    Учууталларбыгар Анна Ефимовнаҕа, Антонида Иннокентьевнаҕа 8 – 11 кылаас салайааччыларын аатыттан истин көрсүһүүнү тэрийбиттэригэр махталбытын биллэрэбит!