Сэтинньи 11 күнүгэр оскуолабытыгар «Эйиэхэ тэҥнээх дойду суох, мин төрөөбүт дойдум!» диэн тиэмэлээх биир дойдулаахпыт талааннаах суруйааччы,поэт, тылбаасчыт Илья Дорофеевич Винокуров-Чаҕылҕан төрөөбүтэ 105 сылыгар анаммыт тэрээһин ыытылынна.
Тэрээһин үөрүүлээх линейкаттан саҕаланна. Манна 1 кылаас үөрэнээччилэрэ поэт хоһ оонун аахтылар. Бука бары поэт "Хайыһар" ырыатын ыллаатыбыт.
Үөрүүлээх линейкабытыгар Н.М. Рыкунов аатынан улуустааҕы библиотека үлэһиттэрэ Раиса Николаевна Дьяконова, Наталья Васильевна Павлова уонна Бөтүҥ нэһилиэгин модельнай библиотекатын сэбиэдиссэйэ Валентина Спиридоновна Колесова ыалдьыттаатылар, Чаҕылҕаҥҥа анаммыт литературнай марафон аһыллыытын иһитиннэрдилэр, анал бэлиэни Колесова В.С. туттардылар.
Эбиэт кэннэ И.Д.Винокуров олоҕор, айар үлэтигэр сыһыаннаах кылаас чаастара 5-7 кылаастарга буолла.Ол курдук, Бөтүҥ модельнай библиотекатын сэбиэдиссэйэ Колесова В.С., оскуола библиотекара Эверстова А.Н., И.Е.Винокуров аатынан музей үлэһитэ Петрова Л.В., олохтоох библиотека библиотекара Носкова В.Д., нуучча тылын учуутала Васильева А.Е. ыыттылар. Манна оҕолор хоһоон аахтылар. Маны таһынан, улахан кылаас оҕолоругар КВЕСТ-оонньуу бэрт сэргэхтик ааста.
Бу тэрээһиҥҥэ оскуола алын кылаас үөрэнээччилэрэ поэт "Ходуһа" диэн хоһоонугар уруһуй күрэҕэр кытыннылар. 1-2 кл үөрэнээччилэр ортолоругар Макарова Селена (2кл)-1м., Уваровская Дарина (1a кл)-2м., Рожина Лилиана (1б кл)-3м буоллулар.
3-4 кл үөрэнээччилэрин ортолоругар Жиркова Алена (4б кл)- 1м., Винокурова Милена (4 а кл)-2 м., Габышева Дайаана (3 a кл)- 3 м буоллулар.
Ыытыллыбыт тэрээһиҥҥэ көхтөөхтүк кыттыбыт, күүс-көмө буолбут бар дьоммутугар, учууталларга, үөрэнээччилэргэ барҕа махталбытын тиэрдэбит.
|
