Приветствую Вас, Гость! Регистрация RSS

Хатын-Арынская средняя общеобразовательная школа им.И.Е.В...

Пятница, 29 Мар 2024
Главная » 2018 » Февраль » 16 » Ийэ тыл, сурук-бичик кунэ
12:42
Ийэ тыл, сурук-бичик кунэ

Төрөөбүт тыл, сурук-бичик күнүн көрсө “Төлкөлөөх төрөөбүт тылым, саймаархай сахам тыла” диэн ааттаах тэрээһин ыытылынна. Бу үөрүүлээх тэрээһиҥҥэ оскуола үөрэнээччилэрэ, учууталлар , ыҥырыылаах ыалдьыттар сахалыы таҥнан, үөрэн-көтөн атаардыбыт.

Сарсыарда оскуолаҕа кэлээт, ситиигэ баҕа санаа утаҕын баайдыбыт. Үөрүүлээх түмсүү Саха Өрөспүүбүлүкэтин өрөгөй ырыатынан, сахалыы  эҕэрдэ үҥкүүтүнэн аһылынна. Ыытааччылар Ирина Семеновна Винокурова, Олег Аполлонович Охлопков  чуор куоластарынан Күндэ “Төрөөбүт тыл” хоһоонун бэлэх ууннулар.  И.Е.Винокуров аатынан этнографическай түмэл дириэктэрэ Афанасий Христофорович Христофоров, орто оскуола директора Дмитрий Иванович Ноговицын кэнчээри ыччаттарга туһаайан алгыс тылларын, баҕа санааларын тириэртилэр.  Оскуола  бэһис кылааhын үөрэнээччилэрэ саха народнай поэта  Семен Данилов “Саха саҥата” хоһоонун доргуччу  аахтылар. Мантан салгыы оһуохай дуорайа дьиэрэйдэ. Хатыҥ-Арыы нэһилиэгин оhуохай түмсүү оһуохайдьыттара Евсеева Татьяна Ивановна, Корякина Анастасия Игнатьевна, Григорьев Тихон Тихонович,  “Чороон” сынньалаҥ киин уус- уран салайааччыта Адамова  Нюргуяна Ивановна, специалистар Винокурова Марианна Николаевна, Находкин Степан Александрович ыалдьыттаатылар.

Үөрэх тохтобулун быыһыгар  “Дьиэ кэргэн ытык мала” быыстапка көрүү киэҥ сэҥээриини ылла. Манна араас историялаах кэрэхсэбиллээх ытык маллар биир кэккэҕэ кэчигирэһэн турдулар. Маны олохтоох музей үлэһитэ Петрова Людмила Васильевна көрдө –иһиттэ, оҕолор кэпсээннэрин болҕойон иһиттэ. Ону таһынан, остуол оонньуулара оҕолор, ыалдьыттар болҕомтолорун тарта. Тыҥааһыннаах күрэхтэһиилэр буоллулар, кыайыылаахтар быһаарылыннылар. Манна оскуолабыт бэтэрээн учууталлара Бурнашева Матрена Николаевна, Петрова Екатерина Матвеевна, музей үлэhитэ Носкова Клара Петровна оонньууну тэрийдилэр, сүбэ-ама биэрдилэр.  “ Уоланнар ааҕыылара” күрэххэ оскуола уолаттара төрөөбүт тылы, төрөөбүт дойдуга тапталы хоһуйар хоһооннору ааҕан күрэхтэстилэр. Оскуола улахан бөлөҕүн  үөрэнээччилэригэр анаан  КВЕСТ оонньуу ыытылынна. Бу тэрээhиҥҥэ олохтоох библиотека библиотекара Замятина Варвара Дмитриевна уонна оскуола учууталлара көхтөөхтүк тэрийэн ыыттылар. Бу үөрүүлээх тэрээһин “Өбүгэбит аһа” атыы –дьаарбаҥканан түмүктэннэ. Тыл күнүгэр ананан ыытыллыбыт бары тэрээhиннэри  “Хатыҥчаан” студия уhулан история5а киллэрбиттэригэр махтанабыт.

 

  

Просмотров: 791 | Добавил: айта | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]